Milli Məclisin Ailə, qadın və uşaq məsələləri komitəsinin sədri fahişəlikdən söz açıb. Sumqayıt24 bu haqda 25 oktyabr tarixində xəbər verir.
Sədr Hicran Hüseynova komitənin bugünkü iclasında çıxış edib. O, fahişəliklə məşğul olan qadınlar üçün cəza nəzərdə tutan hüquqi müddəaların ləğv edilməsi, qadınları cinsi istismara məruz qoyan cinayətkarların, o cümlədən, gəlir məqsədli cinsi əlaqəyə məcbur edən şəxslərin cinayət məsuliyyətinə cəlb edilməsi, qadınların tabe mövqeyinin və onlara “obyekt” kimi yanaşmanın bütün formalarına qarşı mübarizənin aparılması, fahişəliyi dayandırmaq istəyən qadınların yardım proqramları və alternativ gəlir imkanları ilə təmin edilməsi təklifini irəli sürüb.
