Sumqayıt Regional Mərkəzi tərəfindən maarifləndirici tədbir keçirilib. Bu haqda 16 sentyabr tarixində Sumqayıt24 xəbər verir.
FHN-in Dövlət Yanğın Nəzarəti Xidməti mütəxəssislərinin də iştirakı ilə baş tutan seminarda fövqəladə hallarla bağlı davranış qaydaları müzakirə olunub.
Təlimdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən müşavirə zamanı suallar ətraflı cavablandırılıb.
