Corat qəsəbəsinin dəniz sahilində “Su hövzələrində insanların təhlükəsizliyinin təmin olunması” təlimi keçirilib. Sumqayıt24 bu haqda 23 avqust tarixində Fövqəladə Hallar Nazirliyinə (FHN) istinadən xəbər verir.
Məqsəd suda boğulma halları ilə bağlı xilasetmə əməliyyatlarının, həmçinin ilkin yardımın göstərilməsi üzrə praktiki vərdişlərin təkmilləşdirilməsi olub.
Təlimdə FHN-in Sumqayıt Regional Mərkəzi, Kiçikhəcmli Gəmilərə Nəzarət və Sularda Xilasetmə Dövlət Xidmətinin, habelə Sumqayıt şəhər Təcili Tibbi Yardım Stansiyasının əməkdaşları iştirak ediblər.
Xilasedicilər şərti olaraq, baş vermiş suda boğulma hadisəsi zamanı “zərərçəkmiş”i “xilas edərək” ilkin yardım göstərib və aidiyyəti üzrə təhvil veriblər.
Sonda müzakirələr aparılıb, müvafiq tapşırıqlar verilib.
