Fövqəladə Hallar Nazirliyi (FHN) bəzi ərazilərdə gözlənilən hava şəraiti ilə əlaqədar əhaliyə müraciət edib.
Sumqayit24.az xəbər verir ki, bu barədə nazirlik məlumat yayıb.
Müraciətdə qeyd edilir ki, yaxın günlərdə bəzi yerlərdə hava şəraitinin fasilələrlə yağıntılı keçəcəyi proqnozlaşdırılır. Yağışın ayrı-ayrı yerlərdə intensiv olacağı və dolu düşəcəyi, bəzi dağ çaylarından qısamüddətli sel keçəcəyi, şimşək çaxacağı, həmçinin bir sıra ərazilərdə güclü külək əsəcəyi vurğulanıb.
FHN güclü külək zamanı müvəqqəti tikililərdən, elektrik dirəklərindən və hündür ağaclardan uzaq durmağı, yanğın təhlükəsizliyi qaydalarına ciddi riayət etməyi tövsiyə edir.
İldırım təhlükəsindən qorunmaq üçün elektrik cihazlarını şəbəkədən ayırmaq, hündür obyektlərə yaxınlaşmamaq, avtomobildə olarkən hərəkəti dayandırmaq tövsiyə edilir.
