FHN-nin Sumqayıt Regional Mərkəzi müşavirə keçirib.
Sumqayit24.az xəbər verir ki, “2024-cü ildə mülki müdafiə sahəsində görülmüş işlərin yekunları və 2025-ci ildə qarşıda duran vəzifələr” mövzusunu əhatə edən tədbir Tarix Muzeyində baş tutub.
Tədbirdə Sumqayıtın icra başçısı Zakir Fərəcov, FHN-in Sumqayıt Regional Mərkəzinin rəisi polkovnik Vaqif Fətullayev, eyni zamanda yerli özünüidarəetmə orqanlarının səlahiyyətli nümayəndələri və aidiyyəti dövlət təşkilatlarının məsul şəxsləri iştirak ediblər.
Toplantıda çıxış edənlər keçirilən müşavirənin əhəmiyyətindən bəhs ediblər, mülki müdafiə işinin təşkili ilə bağlı birgə fəaliyyətin vacibliyini vurğulayıblar.
Çıxışın sonunda, xidməti vəzifəsini nümunəvi şəkildə yerinə yetirdiklərinə və fövqəladə halların idarə olunmasında fərqləndiklərinə görə, bir sıra FHN əməkdaşı icra başçısının Fəxri fərmanları ilə təltif olunub.
