FHN-in Sumqayıt Regional Mərkəzi tərəfindən maarifləndirici tədbir keçirilib. Bu haqda 15 iyul tarixində Sumqayıt24 Fövqəladə Hallar Nazirliyinə (FHN) istinadən məlumat verir.
22 nömrəli körpələr evi-uşaq bağçasında baş tutan tədbirdə Dövlət Yanğın Nəzarəti Xidmətinin mütəxəssisləri iştirak ediblər.
Seminarda fövqəladə halların təsnifatı, yanğınların başvermə səbəbləri və bu zaman zəruri davranış qaydaları barədə ətraflı məlumat verilib, eləcə də “112” qaynar xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbir zamanı suallar ətraflı cavablandırılıb.
