Fövqəladə Hallar Nazirliyi (FHN) Sumqayıtda fəaliyyət göstərən tədris ocaqlarında maarifləndirmə tədbirləri keçirib. Bu haqda 30 sentyabr tarixində Sumqayıt24 FHN-ə istinadən məlumat verir.
Fövqəladə hallarla bağlı davranış qaydaları barədə təşkil olunan təlimlər S. Rüstəmov adına 3 saylı Uşaq İncəsənət Məktəbi və 9 saylı tam orta məktəbdə baş tutub.
Burada fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Həmçinin “112” qaynar xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
