Sumqayıt Tibb Mərkəzinin əməkdaşları kompleks mülki müdafiə təlimində iştirak ediblər. Bu haqda 27 oktyabr tarixində Sumqayıt24 xəbər verir.
"İrimiqyaslı fövqəladə hadisələrin nəticələrinin aradan qaldırılması zamanı Mülki Müdafiə orqan və qüvvələrinin idarə olunmasının təşkili” adlı təlimdə Təcili Tibbi Yardım Xəstəxanasının, eləcə də Təcili Təxirəsalınmaz Yardım Stansiyasının həkimləri texnika və tibbi avadanlıqlarla qatılıblar.
FHN-in Sumqayıt Regional Mərkəzi tərəfindən keçirilən təlim “Etilen-Polietilen” zavodunun fəaliyyəti dayandırılmış sahəsində təşkil olunub.
Şərti zəlzələ və baş verən yanğın zamanı xəsarət alanlar sanitar posta gətirilib və onlara ilkin tibbi yardım göstərilib. Ağır vəziyyətdə olanların isə təcili yardım maşınları ilə şəhərin müalicə müəssisələrinə göndərilməsi əməliyyatları yerinə yetirilib.
