Səid Rüstəmov adına Sumqayıt şəhər 3 nömrəli Uşaq İncəsənət Məktəbinə ekskursiya olub. Sumqayıt24 bu barədə 24 oktyabr tarixində Fövqəladə Hallar Nazirliyinə (FHN) istinadən xəbər verir.
Tədbir FHN-in Sumqayıt Regional Mərkəzi, Abşeron-Xızı Regional Mədəniyyət İdarəsinin əməkdaşları və Uşaq İncəsənət Məktəbinin kollektivi iştirak edib. Əvvəlcə məktəbin foyesində ulu öndər Heydər Əliyevə həsr olunmuş rəsm sərgisinə baxış keçirilib.
Görüş məktəbin akt zalında davam edib. Dövlət Himnimiz səsləndirilib, ümummilli lider Heydər Əliyevin və Vətən üğrunda can vermiş şəhidlərin əziz xatirəsi bir dəqiqəlik sükutla yad olunub.
Sonra Heydər Əliyevin xalqımız qarşısındakı tarixi xidmətlərinə həsr edilmiş videoçarx izlənilib. Şagirdlərin ifasında ədəbi-bədii kompozisiya təqdim olunub, ulu öndərə həsr olunan şeirlər səsləndirilib, musiqilər ifa edilib.
Sonda Səid Rüstəmov adına 3 nömrəli Uşaq İncəsənət Məktəbinin hazırladığı “Qarabağ Azərbaycandır” adlı musiqili klip nümayiş olunub.
