Vətən müharibəsi şəhidinin mövlududur. Zaur Mədətov 16 noyabr 1999-cu ildə Sumqayıtda anadan olub.
O, 2017-ci ildə Nizami rayonunun 277 nömrəli məktəbini bitirib. Cüdo ilə məşğul olub. 2018-2019-cu illərdə Azərbaycan Silahlı Qüvvələrində müddətli həqiqi hərbi xidmətdə olub. Tovuz döyüşlərindən sonra orduya könüllü yazılıb.
27 sentyabr 2020-ci ildə başlanan Vətən müharibəsi zamanı Cəbrayılın və Füzulinin azadlığı uğrunda savaşıb. Oktyabrın 8-də qəhrəmancasına şəhid olub. Sumqayıt şəhərinin Şəhidlər xiyabanında torpağa tapşırılıb.
Zaur Mədətov ölümündən sonra "Vətən uğrunda" və "Cəbrayılın azad olunmasına görə" medalları ilə təltif olunub.
