Azərbaycan Nəşriyyatları Assosiasiyasının təşkilatçılığı ilə III Sumqayıt Kitab Sərgisi keçiriləcək. Bu haqda 20 sentyabr tarixində Sumqayıt24 xəbər verir.
Kitab bayramı “Kimyaçı” mədəniyyət sarayında 13-15 oktyabr tarixlərində saat 10:00-dan 19:00-a kimi davam edəcək. Sərgi ölkənin 30-dan artıq tanınmış nəşriyyatının iştirakı ilə baş tutacaq, müxtəlif faizli endirimlər tətbiq olunacaq.
Tədbirdə tanınmış ədiblərin iştirakı ilə təqdimatlar, imza mərasimləri, konsert proqramları, şeir gecələri, tamaşa, uşaqlar üçün nağıl saatları və master-klaslar keçiriləcək.
Burada müxtəlif personajlarla şəkil çəkdirmək imkanı, fotozonalar yaradılacaq. Sponsorluq üçün [email protected] ünvanına, yaxud (077) 255 22 77 nömrəsinə müraciət etməyiniz xahiş olunur.
