"Neptun” istirahət mərkəzindəki ölümün yeni detalları üzə çıxıb. Sumqayıt24 bu haqda 15 avqust tarixində Xəzər TV-yə istinadən xəbər verir.
İstirahət mərkəzinin əməkdaşı Orxan Əliyev iddia edib ki, sərxoş şəxslər gecə saatlarında məkana gəliblər, mühafizə əməkdaşlarının tələbinə baxmayaraq, getmək istəməyiblər, əraziyə, hətta polis də çağırılıb.
Həmin şəxslərdən biri, 35 yaşlı Elşad Rəsulov uşaq hovuzuna baş vurub və boynu qırılıb. Məlumata görə, dostları onu sudan çıxardıqda kişi sağ olub. Lakin xəstəxanaya aparıldıqdan sonra dünyasını dəyişib.
Fakt Sumqayıt şəhər Polis İdarəsində araşdırılır.
