Qəzalı bina ilə bağlı qurumlara müraciət ünvanlanıb. Sumqayıt24 bu haqda 27 sentyabr tarixində xəbər verir.
Söhbət 17-ci mikrorayonda yerləşən çatlarla örtülü 37 nömrəli yaşayış binasından gedir. Xəbər verdiyimiz kimi, sakinlər, həmçinin burada yaşayan şəhidlərin – Eldar Abdullayev və Nicat Nəbiyevin ailələri evin çökəcəyindən narahatdırlar.
Sumqayıt Şəhər İcra Hakimiyyəti problemə münasibət bildirib. Bildirilib ki, sakinlərin təhlükəsizliyinin təmin edilməsi, gələcəkdə baş verə biləcək hadisələrin qarşısının alınması və yaranmış çatların səbəbinin müəyyənləşdirilməsi məqsədilə mütəxəssis rəyinin verilməsi üçün aidiyyəti qurumlara müraciət edilib.
