Sumqayıtda “İnsan alveri və məişət zorakılığı” mövzusunda tədbir keçirilib. Sumqayıt24 bu haqda 13 iyul tarixində xəbər verir.
Tədbir Sumqayıt Dövlət Rəsm Qalereyasında baş tutub. Ekspert qismində çıxış edən Qadın Resurs Mərkəzinin koordinatoru Günel Ələkbərova və vəkil Ruslan Mustafazadə insan alveri, məcburi əməyin başvermə halları, ondan qorunma mexanizmləri barədə iştirakçılara ətraflı məlumat veriblər.
Seminar zamanı mövzu ilə bağlı rəsmlər çəkən gənclər sertifikatlarla təltif olunublar.
