Sumqayıtda işğaldan azad olunmuş rayonlara köçürüləcək ailələrin tibbi müayinələri aparılıb. Bu haqda 10 avqust tarixində Sumqayıt24 TƏBİB-yə istinadən məlumat verir.
"Böyük Qayıdış" layihəsi çərçivəsində Laçın, Füzuli və Zəngilana köçürüləcək ailələrin müayinələri icbari tibbi sığorta hesabına ödənişsiz olaraq icra olunub. Yoxlama TƏBİB-nin tabeliyindəki Sumqayıtla yanaşı, digər şəhər və rayonlardakı tibb məntəqələrində də təşkil olunub.
Ümumilikdə 186 ailə (705 nəfər) müayinələrə cəlb olunub.
