Sumqayıtda fəaliyyət göstərən ümumi təhsil müəssisələrinin rəhbər heyəti üçün fövqəladə hallar zamanı davranış qaydalarına dair maarifləndirmə tədbiri keçirilib. Bu haqda 29 sentyabr tarixində Sumqayıt24 Abşeron-Xızı Regional Təhsil İdarəsinə istinadən məlumat verir.
Tədbirdə Elm və Təhsil və Fövqəladə Hallar nazirliklərinin rəsmi nümayəndələri, məktəb direktorları və digər qonaqlar iştirak ediblər.
Burada suda batma, yanğın və dəm qazı ilə əlaqədar təhlükəsizlik qaydaları barədə ətraflı məlumat verilib, eləcə də maarifləndirici videoçarxlar nümayiş olunub.
Sonda iştirakçıları maraqlandıran suallara cavab verilib.
Qeyd edək ki, seminar Elm və Təhsil Nazirliyinin təşkilatçılığı, Abşeron-Xızı Regional Təhsil İdarəsinin və Fövqəladə Hallar Nazirliyinin dəstəyi ilə həyata keçirilib.
