Sumqayıtda ümumtəhsil məktəblərinin psixoloqları üçün 2 günlük təlim baş tutub. Bu haqda 26 sentyabr tarixində Sumqayıt24 Ailə, Qadın və Uşaq Problemləri üzrə Dövlət Komitəsinə istinadən məlumat verir.
“Uşaqlarda müşahidə edilən oyun asılılığı” adlı seminar zamanı oyun asılılığının uşaqlarda yaratdığı qeyri-adekvat davranış tərzi, oyun asılılığının müşahidə edildiyi uşaqların psixoloji xüsusiyyətləri, onlarla aparılan psixo-sosial iş, eyni zamanda, konsultasiyalar zamanı istifadə olunan texnikalar barəsində məlumatlar verilib.
Yekunda təlim iştirakçılarına komitə tərəfindən sertifikatlar təqdim olunub.
Layihə Ailə, Qadın və Uşaq Problemləri üzrə Dövlət Komitəsinin təşkilatçılığı ilə həyata keçirilib.
