Sumqayıt məktəbliləri üçün yay düşərgəsi keçirilir. Bu haqda 24 iyul tarixində Sumqayıt24 Sağlam Düşüncə Gənclər Təşkilatına istinadən məlumat verir.
"İctimai fəal məktəb - Sosial məsuliyyətli şagird" layihəsi çərçivəsində təşkil olunan düşərgə 27 iyul tarixinədək davam edəcək. Burada məktəblilər tanışlıq oyunları ilə bir-birini yaxından tanımaq şansını qazanırlar.
Düşərgənin əsas məqsədi postpandemiya dövründə məktəblilərin məktəbdənkənar asudə vaxtında onların fərdi və fiziki inkişafını təmin etmək üçün sağlamlıq və ekoloji istiqamətdə maarifləndirmə aparmaqdır.
Layihə Elm və Təhsil Nazirliyi tərəfindən maliyyələşib.
