Sumqayıt Dövlət Rəsm Qalereyasında “Məişət zorakılığı” mövzusunda maarifləndirici tədbir keçirilib. Bu haqda 15 dekabr tarixində Sumqayıt24 xəbər verir.
Qadın Resursları Mərkəzinin təşkilatçılığı ilə baş tutan toplantıda Rəsm Qalereyasının direktoru Ellada Həsənova, Sumqayıt Qadın Resursları Mərkəzinin məişət zorakılığı üzrə eksperti Günel Ələkbərli, Xəzər Universiteti Sumqayıt Dünya Məktəbinin şagirdləri və qalereyanın əməkdaşları iştirak ediblər.
İştirakçılar mövzu ilə bağlı məktəblilərin rəsmlərinə baxış keçiriblər. Sonda şagirdlərə Təşəkkürnamə təqdim edilib.
Tədbirin məqsədi ölkəmizdə məişət zorakılığına qarşı mübarizə, zorakılığın səbəb olduğu mənfi hüquqi və sosial nəticələrin qarşısının alınması, məişət zorakılığından zərər çəkmiş şəxslərin sosial müdafiəsi, habelə məişət zorakılığına səbəb olan halların aradan qaldırılması istiqamətində gəncləri maarifləndirməkdir.
