Məşq zamanı 7 yaşlı uşağın ölümündə təqsirləndirilən məşqçi Mehman Xəlilovun məhkəməsində yeni faktlar üzə çıxıb. Bu haqda 14 sentyabr tarixində Sumqayıt24 News24.az-a istinadən xəbər verir.
Məlumata görə, 7 yaşlı uşağın anası Aynurə Məlikova və Mehman Xəlilov bir müddət sevgili olublar. Hadisədən 3 ay əvvəl onların mübahisəsi yaranıb və ayrılıblar.
M. Məlikova iddia edib ki, M.Xəlilov ondan qisas almaq məqsədilə uşağa xəsarətlər yetirib.
M. Xəlilov isə məhkəmədə iddianı təkzib edib. O bildirib ki, 7 yaşlı uşağa xəsarət yetirmək fikri olmayıb:
"Mən uşağı öldürmək və ya ona xəsarət yetirmək istəsəydim, niyə bunları kamera qarşısında edirdim? Mən uşaqdan niyə qisas alım? Mənim uşağa xəsarət yetirmək fikrim olmayıb".
Daha öncə cinayət işi üzrə ibtidai istintaqın yekunlaşdığı haqda məlumat vermişdik.
