Sumqayıtda ər və arvadın ölmələrinin təfərrüatları bəlli olub. Sumqayıt24 bu haqda 18 avqust tarixində Oxu.az-a istinadən xəbər verir.
Xəbər verdiyimiz kimi, Fövqəladə Hallar Nazirliyinin (FHN) əməkdaşları 2-ci mikrorayonda yaşadıqları mənzildə 84 yaşlı Aleksandr Mamontov və onun həyat yoldaşı, 82 yaşlı Lyubov Mamontovanın meyitlərini tapıblar. Cansız bədənlərin üzərində zorakılıq əlamətləri aşkar olunmayıb.
Məlumata əsasən, kişi uzun müddət əvvəl iflic olduğuna görə yataq xəstəsi imiş və ötən gün vəfat edib. Bu zaman Lyubov rəfiqəsinə zəng edərək, ərinin ölüm xəbərini verib. Rəfiqəsi onların evinə gəldikdə isə qadının da öldüyünü görüb.
Qeyd olunur ki, 82 yaşlı qadın ürəktutmadan vəfat edib. Onların iki övladı var və Rusiyada yaşayırlar.
Faktla bağlı Sumqayıt Şəhər Prokurorluğunda araşdırma aparılır.
