Sumqayıt Dövlət Dram Teatrında "-1" tamaşası yenidən nümayiş olunacaq. Bu haqda 11 iyul tarixində Sumqayıt24 xəbər verir.
Tanınmış yazıçı S. Murojekin "Mühacirlər" pyesi əsasında gənc, istedadlı rejissor Ümüd Abbasın quruluş verdiyi səhnə əsəri Vətən həsrətini, siyasi-inqilabi fırtınalar dalğasında həyatın burulğanına düşüb çabalayan, ayrılıqlar qarşısında çarəsiz qalan insanların daxili təlatümlərini, eyni zamanda mübarizə əzmini, ümid eşqini açıqlayır.
Obrazları gənc aktyorlar Kamran Muradlı və Elay Xasiyev canlandırırlar. Mövsümün maraqla qarşılanan tamaşası iyul ayının 14-də saat 18:00-da nümayiş olunacaq.
