Fövqəladə Hallar Nazirliyinin Sumqayıt Regional Mərkəzi mülki müdafiə kursları keçirib. Sumqayıt24 bu haqda 2 oktyabr tarixində xəbər verir.
Tədbirlərdə mərkəzin əhatə etdiyi şəhər və rayon ümumtəhsil müəssisələrinin 2, 5 və 6-cı sinif rəhbərləri, FHN və Abşeron-Xızı Regional Təhsil İdarəsinin əməkdaşları iştirak ediblər.
Mülki müdafiə kurslarında fərdi mühafizə vasitələrindən istifadə, təbii və texnogen xarakterli fövqəladə hadisələr zamanı düzgün davranış, təxliyə planlarının hazırlanması qaydaları, mülki müdafiə, yanğın və texniki təhlükəsizlik tədbirlərindən bəhs edilib. Mövzularla bağlı hazırlanmış fotoslayd və videoçarxlar izlənilib.
Sonda iştirakçıların sualları cavablandırılıb.
