Sumqayıtda narkotikdən ölən 36 yaşlı Ruslan Verdiyev tanınmış ailənin övladı olubmuş. Sumqayıt24 bu haqda 9 oktyabr tarixində Sumqayit.tv-yə istinadən xəbər verir.
O, zamanında istedadlı karateçi idi. Lakin narkotik Ruslanı idmandan uzaqlaşdırır, oğurluq və quldurluğa yönəldir. 2017-ci ildə o, dostları ilə birgə Xalq artisti Nazpəri Dostəliyevanın evini qarət edir və həbsə düşür. Həbsxanadan çıxdıqdan sonra normal həyata adaptasiya ola bilməyən Ruslan Verdiyev bir neçə kiçik cinayətə görə yenidən zindan həyatı yaşamalı olur. Amma heç bir halda narkotikdən uzaqlaşmır və dünyasını dəyişir.
Məlumata əsasən, mərhumun atası Əzizağa Verdiyev də veteran idmançıdır. O, Sumqayıtda karatenin əsasını qoyanlardan sayılır. Əzizağa Verdiyev sovetlər dövründə karate qadağasına baxmayaraq, zirzəmilərdə gənclərimizə gizlincə bu döyüş növünün sirlərini aşılayıb.
