Sumqayıtda nöqsanlı təhsil müəssisələri idarəyə təhvil verilib. Sumqayıt24 bu haqda 19 yanvar tarixində xəbər verir.
Bir müddət əvvəl xəbər verdiyimiz kimi, Ombudsmanın Milli Preventiv Qrupu (MPQ) İnternat tipli gimnaziya, Sağlamlıq imkanları məhdud uşaqlar üçün xüsusi məktəb və İnteqrasiya təlimli internat tipli gimnaziyada monitorinqlər aparıb. Nəticədə bir sıra nöqsanlar tapılıb.
Elm və Təhsil Nazirliydən bildirilib ki, İnternat tipli gimnaziyadakı nöqsanlarla bağlı Baş Prokurorluq yoxlamalar keçirib:
“Əlavə olaraq Elm və Təhsil Nazirliyinin kollegiya qərarına əsasən, Sumqayıt şəhər sağlamlıq imkanları məhdud uşaqlar üçün xüsusi məktəb, Sumqayıt şəhər internat tipli gimnaziya və Sumqayıt şəhəri general M.Əsədov adına İnteqrasiya təlimli internat tipli gimnaziya Abşeron-Xızı Regional Təhsil İdarəsinin tabeliyinə verilib. Müəssisələrdə təhvil-təslim və monitorinqlərin aparılmasına başlanılıb. Monitorinqlər yekunlaşdıqdan sonra mövcud vəziyyət təhlil edilərək, tərəfimizdən təkliflər hazırlanacaq”.
