Dövlət Ekoloji Təhlükəsizlik Xidmətinin əməkdaşları nəzarət tədbirləri keçiriblər. Sumqayıt24 bu haqda 3 avqust tarixində Ekologiya və Təbii Sərvətlər Nazirliyinə (ETSN) istinadən xəbər verir.
Yoxlama zamanı Sumqayıt şəhəri, Novxanı bağları massivindən qanunsuz qum-çınqıl daşındığı müəyyən edilib. Xidmət rəsmisi Bəhruz Məhəmmədov bildirib ki, qum-çınqıl qarışığını “Ford” markalı 77-EL-681 dövlət qeydiyyat nişanlı yük avtomobilinin sürücüsü İlkin Ağabalayev və üzərində dövlət qeydiyyat nişanı olmayan ekskovatorun sürücüsü Elşən Xudiyevin daşıdıqları məlum olub.
Faktla bağlı akt, protokol tərtib olunub və qanunamüvafiq tədbirlər görülüb.
Xatırladaq ki, ötən həftə Novxanı bağlarında eyni texnikalarla analoji oğurluq olub.
