Özbəkistanın “Artel Engineering and Management” MMC-nin nümayəndələri Sumqayıt Kimya Sənaye Parkını ziyarət ediblər. Bu haqda 1 avqust tarixində Sumqayıt24 xəbər verir.
Qonaqlar Kimya Sənaye Parkında görülmüş işlərlə, şirkətin rezidenti “STP” MMC-nin Ağır maşınqayırma və Elektrik avadanlıqları zavodlarında gedən istehsal prosesləri ilə tanış olublar.
Görüş çərçivəsində Azərbaycanda mövcud sənaye parklarında məişət texnikası, liftlər və alüminium profillərin istehsalı sahəsində birgə layihələrin həyata keçirilməsi imkanları müzakirə edilib. “Artel Engineering and Management” MMC-nin fəaliyyətini əks etdirən təqdimatlar nümayiş etdirilib.
