Sumqayıtda təhsil ocağı növbəti tədris ili üçün qəbula başlayır. Sumqayıt24 bu haqda 13 iyul tarixində xəbər verir.
İqtisadi Zonaların İnkişafı Agentliyinin (İZİA) Peşə Təhsil Mərkəzi aşağıdakı ixtisaslara tələbələri qəbul edir:
Ödənişli əsaslarla:
- Veb-dizayner və proqram təminatçısı (1 illik);
- Qrafik dizayner (1 illik).
Dövlət hesabına:
- Torna və frezer dəzgahlarının operatoru (1 illik);
- Aqroservis mütəxəssisi (1 illik);
- Avtomatika üzrə usta (1 illik);
- Sənayedə quraşdırma işləri üzrə usta (1 illik);
- Proqramla idarə olunan dəzgahların operatoru (1 illik);
- Elektrik avadanlıqlarına xidmət və təmiri üzrə elektrik montyoru (1 illik);
- İsitmə-soyutma, havalandırma sistemləri və avadanlıqları üzrə montajçı (1 illik);
- Mexaniki yığma işləri üzrə çilingər (1 illik);
- Elektronika ustası (1 illik);
- İnformasiya-kommunikasiya texnologiyaları üzrə texnik (texniki peşə, 3 illik);
- Kompüter sistemlərində proqramlaşdırma (yüksək texniki peşə, 3 illik).
Yüksək texniki peşə təhsilini müvəffəqiyyətlə başa vuran tələbələr imtahansız (birbaşa) universitetə qəbul olmaq şansı əldə edəcəklər.
Müsabiqədə orta və tam orta təhsilli şəxslər iştirak edə bilərlər. Tədris müddətində dövlət sifarişi əsasında təhsil alan tələbələr təqaüdlə təmin edilirlər.
Peşə Təhsil Mərkəzinə qəbul olmaq istəyən namizədlər Elektron müraciət sistemi vasitəsilə (https://bit.ly/3O8pcDG) və ya təhsil ocağına gəlməklə (Sumqayıt şəhəri, Kimyaçılar küçəsi, ev 1) qeydiyyatdan keçə bilərlər.
