Xidmət Sahələri üzrə Sumqayıt Dövlət Peşə Təhsil Mərkəzində fəal tələbələrlə görüş keçirilib. Sumqayıt24 bu haqda 15 noyabr tarixində xəbər verir.
Tədbirdə mərkəzin direktoru Gülşən Ömərova, direktor müavini Ruslan Ataşlı və psixoloqu Rəna Muxtarova iştirak ediblər. Direktor Gülşən Ömərova müəssisənin fəaliyyət istiqamətləri, inkişaf strategiyası, o cümlədən layihələr və əldə olunmuş nailiyyətlərdən bəhs edib.
Sonra həyata keçiriləcək layihələr barədə gənclərin fikirləri və alternativ yanaşmaları dinlənilib.
Tələbələrlə müəssisənin “SWOT” təhlili aparılıb, qarşıda duran vəzifələrin layiqincə və yüksək səviyyədə yerinə yetirilməsi üçün üzərlərinə düşən işlər müzakirə edilib.
Tələbələr öz növbəsində rəhbərliyə təklif və rəylərini bildiriblər. Sonda onları maraqlandıran suallar cavablandırılıb.
