Xidmət Sahələri üzrə Sumqayıt Dövlət Peşə Təhsil Mərkəzinin sentyabr müşavirəsi keçirilib. Bu haqda 16 sentyabr tarixində Sumqayıt24 xəbər verir.
Tədbir Dövlət Himninin səsləndirilməsi ilə başlayıb. Daha sonra şəhidlərin xatirəsi ehtiramla yad edilib.
Mərkəzin direktoru Gülşən Ömərova hesabat məruzəsi ilə çıxış edib. O, ötən tədris ilinin yekunları, əldə edilmiş nailiyyətlər və qarşıda duran məqsədlər, həllini gözləyən məsələləri diqqətə çatdırıb. Gündəlikdə duran məsələlər müzakirə edilib. Müşavirə iştirakçılarını maraqlandıran məsələlərə aydınlıq gətirilib və suallar cavablandırılıb.
Sonda direktor işə yeni qəbul olunmuş müəllimləri təbrik edib.
