Azərbaycan təmsilçisi "Qarabağ" UEFA Çempionlar Liqasında pley-off mərhələsinə vəsiqə qazanıb.
Sumqayit24.az xəbər verir ki, Qurban Qurbanovun komandası bu mərhələdəki rəqibini yanvarın 30-da tanıyacaq. Məhz həmin gün saat 15:00-da ÇL-in pley-off mərhələsinin püşkü atılacaq.
Amma Ağdam təmsilçisinin potensial rəqibləri məlumdur. "Qarabağ" pley-offda ya PSJ, ya da "Nyukasl"la qarşılaşacaq.
Qeyd edək ki, pley-offda ilk oyunlar 17 və 18 fevral, cavab matçları isə 24 və 25 fevral 2026-cı il tarixlərində oynanılacaq.
