Sumqayıtda "Əliyar Əliyev kuboku" adlı intellektual oyun keçirilib. Sumqayıt24 bu haqda 2 oktyabr tarixində xəbər verir.
Üçmərhələli oyun "Loğman” Qaçqınlara Dayaq Mərkəzi İctimai Birliyi tərəfindən təşkil olunub. Yarışa rayon məktəblərinin 9 komandası qatılıb. Hər komanda bir məktəbi təmsil edib və komandalar 5 şagirddən ibarət olub.
Qubadlı rayon İ. Məmmədov adına Aşağı Mollu kənd məktəbinin komandası ən yüksək nəticə göstərərək 1-ci yeri tutub. İntellektual oyunda F. Mehdiyev adına Qaralar kənd məktəbi 2-ci, S. Rəhimov adına Mahruzlu kənd məktəbi isə 3-cü yerin sahibi olub.
Qeyd edək ki, tədbir Milli Qəhrəman Əliyar Əliyevin xatirəsinə həsr edilib. [modula id="43133"]
