Qızıl Aypara Cəmiyyətinin (QAC) Sumqayıt şəhər bölməsində görüş keçirilib. Sumqayıt24 bu haqda 3 avqust tarixində xəbər verir.
Az.QAC-ın Sağlamlıq və Qayğı şöbəsinin müdiri Əminə Cabbarova, Türk Kızılayın Azərbaycandakı nümayəndəsi Hüseyn Çatak, Belarus Qızıl Xaçın İlk Yardım üzrə mütəxəssisi Nihad İsayev bölmənin qonağı olublar.
Az.QAC Sumqayıt şəhər bölməsinin sədri Mətanət Məhərrəmova onlara Fövqəladə Mobil Könüllü dəstənin, eyni zamanda bölmənin gördüyü işlərdən danışıb. Daha sonra Türk Kızılayın nümayəndəsi Hüseyn Çitak və Belarus Qızıl Xaçının mütəxəssisi Nihad İsayev könüllülərlə tanış olub, ilk yardım barədə məlumat verərək, fövqəladə hallar zamanı könüllülərin tez bir zamanda cəlb edilməsinin vacibliyini vurğulayıblar.
Az.QAC-ın Sağlamlıq və Qayğı şöbəsinin müdiri Əminə Cabbarova öz çıxışında Səhiyyə sektorunda gələcək istiqamətlərdən danışıb.
Sonda könüllülərin sualları cavablandırılıb.
