Sumqayıt Şəhər Prokurorluğunda müstəntiq vəzifəsində çalışmış qadın əməkdaş yeni vəzifəyə təyinat alıb. Bu haqda 12 iyul tarixində Sumqayıt24 Lent.az-a istinadən məlumat verir.
Bununla bağlı baş prokuror Kamran Əliyev müvafiq əmr imzalayıb. Əmrə əsasən, Baş Prokurorluğun Dövlət ittihamının müdafiəsi üzrə idarəsinin şöbə prokuroru Gülüstan Abdullayeva Bakı şəhəri Nizami rayon prokurorunun müavini vəzifəsinə təyin olunub.
G. Abdullayeva 2002-ci ildə prokurorluq orqanlarına müsabiqə yolu ilə qəbul olunub. O, həmçinin Bakı Şəhər Prokurorluğunda idarə və şöbə prokuroru, Baş Prokurorluqda idarə prokuroru vəzifələrində işləyib.
