Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi Mürsəl İbrahimov Sumqayıtda vətəndaş qəbulu keçirib. Bu haqda 17 avqust tarixində Sumqayıt24 quruma istinadən məlumat verir.
Heydər Əliyev Mərkəzində baş tutan görüşdə Sumqayıt, Abşeron, Xızı, Qubadlı, Şuşa, Zəngilan şəhər və rayonlarından olan vətəndaşlar iştirak ediblər. 20 vətəndaşın müraciəti dinlənilib.
Müraciətlər SHXÇDX-də həqiqi hərbi xidmətə və ya işə qəbul, həqiqi hərbi xidmətə bərpa olunma, Vətən müharibəsində iştiraka görə təltif olunma və s. məsələlərlə bağlı olub.
Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.
