Sumqayıt Olimpiya İdman Kompleksində "Səfəvi” gənclərin vətənpərvərlik düşərgəsi keçirilib. Sumqayıt24 bu haqda 2 sentyabr tarixində Abşeron-Xızı Regional Gənclər və İdman İdarəsinə istinadən xəbər verir.
Layihənin məqsədi zəngin tarixi mədəniyyətimizin, adət-ənənələrimizin yaşadılması və gənclər arasında geniş təbliğidir.
Düşərgə müddətində maraqlı və əyləncəli tədbirlər, gəzintilər, təlimlər, intellektual və idman oyunları, həmçinin iməcilik keçirilib. Burada müxtəlif bölgələrdən olan gənclər, şəhid, qazi, aztəminatlı ailələrin övladları da daxil olmaqla 90 nəfər birincilik uğrunda mübarizə aparıb.
Yekun qiymətləndirməyə əsasən, "Qaramanlı" qalib olub, "Bayat" və "Qacarlar" komandaları isə 2 və 3-cü yerləri tutublar.
