Xəbər verdiyimiz kimi, bu gün Sumqayıtda 38 nömrəli məktəb müəlliminin şagirdə qarşı uyğunsuz davranışı ilə bağlı görüntülər yayılıb.
Bu barədə Sumqayit24.az-a Abşeron-Xızı Təhsil İdarəsindən verilən məlumata görə, yayılan görüntülərə əsasən, təhsil idarəsi tərəfindən araşdırma aparılıb.
“Sosial mediada Sumqayıt şəhəri 38 nömrəli tam orta məktəbdə müəllimin şagirdə qarşı uyğunsuz davranışı ilə bağlı görüntülər yayılıb.
Bildiririk ki, "Təhsilverənlərin etik davranış qaydaları"nı pozduğuna görə müəllim barəsində intizam tənbehi tədbiri görülüb. Eyni zamanda məktəbin direktor səlahiyyətlərini müvəqqəti icra edən şəxsdən həvalə geri götürülüb.
İdarə tərəfindən təhsil müəssisəsində sağlam psixoloji mühitin təmin ediıməsi məqsədilə valideynlər və müəllimlə maarifləndirici söhbət aparılıb.
Qeyd edirik ki, ümumi təhsil müəssisələrində təlim-tədris prosesi ilə yanaşı, şagirdlərin təhlükəsizliyi və daxili nizam-intizam qaydalarına əməl edilməsinə nəzarət əsas amil kimi daim diqqət mərkəzində saxlanılır, bu istiqamətdə zəruri maarifləndirmə işləri görülür”.
Fidan İlqar
