Sumqayıt şəhər N.Nərimanov adına Mədəniyyət Mərkəzində “Sağlam gənclərlə sağlam gələcək quraq” adlı tədbir keçirilib. Bu haqda 15 iyul tarixində Sumqayıt24 Abşeron-Xızı Regional Mədəniyyət İdarəsinə istinadən xəbər verir.
Tədbirin aparıcısı Əminəxatun Qədəşova mövzu ilə bağlı tədbir iştirakçılarını ətraflı məlumatlandırıb. Sumqayıt Dövlət Dram Teatrının aktyorları Məryəm Hüseynli və Şəmistan Süleymanlının narkomaniya ilə bağlı hazırladıqları səhnəciyin nümayişi, gənclərdən aktyor Elay Xasıyevin, gənc müğənni Aydan Salahovanın ifaları və rejissor Adil Səfərovun qiraəti hər kəsin marağına səbəb olub.
Sonda isə 2-ci Hərbi Polis Bölməsinin zabiti kapitan Qasım Hacıyev çıxış edərək, tədbirin təşkilatında əməyi keçən hər kəsə təşəkkürünü bildirib, onları hərbi hissə adından fəxri fərmanlarla təltif edib.
