Sumqayıtda sağlamlıq imkanları məhdud uşaq və yeniyetmələr üçün innovativ dərnəklər fəaliyyət göstərəcək. Sumqayıt24 bu barədə 5 sentyabr tarixində Sosialmedia.az-a istinadən xəbər verir.
Dərnəklər bədii (musiqi,rəqs və s.), təsviri (rəngkarlıq, qrafika və s.), dekorativ- tətbiqi incəsənətin (keramika,aplikasiya,ebru və s.) bölmələrini əhatə edəcək. Buraya ən ağır şəraitdə yaşayan ailələrdən olan 10 uşaq və 10 yeniyetmə cəlb olunacaqlar. 3 ay müddətində davam edəcək təlimlər ixtisaslaşmış mütəxəssislər tərəfindən aparılacaq. Dərnəklər həm müəssisədaxili, həm də kənar yerlərdə təşkil olunacaq.
Layihə “Çıraq” Uşaq İnkişaf Mərkəzi İctimai Birliyi, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçiriləcək. Sonda uşaqların əl işlərindən ibarət sərgi təşkil olunacaq.
