12A nömrəli avtobusların fəaliyyəti sərnişiləri qanə etmir. Sumqayıt24 bu haqda 11 iyul tarixində xəbər verir.
Marşrut avtobusu “Kolxoz” bazarının yanından “Stansiya Sumqayıt” massivinin Şəfəq qəsəbəsinə (Yeni şəhərciyə) qədər işləyir. Şikayətlərdə deyilir ki, avtobuslar arasında interval adətən 40 dəqiqə olur. Məhz buna görə sərnişin sıxlığı yaranır. Həmçinin heç bir nəqliyyat vasitəsində kondisioner qoşulmur.
Sürücülərin sözlərinə əsasən, yanacağın tarifi artandan sonra rəhbərlik xəttə daha az avtobus buraxır.
Qeyd edək ki, “Yeni şəhərcik”də şəhid ailələri, Qarabağ müharibəsi əlilləri və gözden əlil şəxslər yaşayırlar.
