Sumqayıtda şəhid jurnalist Sirac Abışovun doğum günü qeyd edilib. Bu haqda 29 avqust tarixində Sumqayıt24 Report.az-a istinadən məlumat verir.
Anım tədbiri Şəhidlər xiyabanında baş tutub. Burada rayon İcra Hakimiyyətinin, YAP Qubadlı rayon təşkilatının, idarə, müəssisə və təşkilatların nümayəndələri, eləcə də şəhidin ailə üzvləri, yaxınları və ictimaiyyət nümayəndələri iştirak ediblər.
Əvvəlcə iştirakçılar şəhidlərin xatirəsini bir dəqiqəlik sükutla yad ediblər. Sonra şəhidin ruhuna dualar oxunub. Tədbirdə vətənpərvərlik mövzusunda və şəhidlərimizin ruhuna həsr olunmuş şeirlər səsləndirilib.
Çıxış edənlər şanlı qələbədən bəhs ediblər, şəhidin yaxınlarına başsağlığı veriblər və Sirac Abışov barədə xatirələrini bölüşüblər.
Qeyd edək ki, Sirac Abış oğlu Abışov 1989-cu il avqustun 29-da Qubadlı rayonunun Dondarlı kəndində anadan olub.
