Sabahdan Azərbaycanda qrip əleyhinə vaksinasiyaya başlanılır.
Sumqayıt24 xəbər verir ki, Səhiyyə Nazirliyi əhaliyə müraciət edərək, sentyabrın 10-dan qrip əleyhinə vaksinasiyaya başlanacağını açıqlayıb. Payız-qış mövsümündə kəskin respirator virus infeksiyalarının artması gözlənilir. Bu məqsədlə Səhiyyə Nazirliyi “Abbott” şirkətinin istehsalı olan təhlükəsiz və keyfiyyətli vaksinləri gətirib. Nazirlik yüksək risk qrupundakı səhiyyə işçiləri, hamilə qadınlar və xroniki tənəffüs xəstəlikləri olan şəxslərin peyvənd olunmasını vacib hesab edir.
Noyabr ayında Azərbaycanda keçiriləcək COP29 tədbiri ilə əlaqədar xarici qonaqların kütləvi səfəri gözlənilir. Nazirlik bu səbəbdən də tədbirlərdə iştirak edənləri qripə qarşı peyvənd olunmağa çağırır. Peyvənd olunmaq istəyənlər dövlət tibb müəssisələrinə müraciət edə bilərlər.
