Sumqayıt şəhərini Saray qəsəbəsi ilə birləşdirən körpünün ətrafındakı obyektlər söküləcək.
Xəzər TV-nin məlumatına görə, problemin həlli məqsədilə aidiyyəti qurumlar tərəfindən monitorinq aparılıb. Araşdırmalar nəticəsində müəyyən edilib ki, bəzi obyektlər yol kənarında yerləşir və nəqliyyat axınını çətinləşdirir.
Dövlət qurumları tərəfindən artıq bu obyektlərin sökülməsi ilə bağlı qərar verilib.
Sözügedən obyektlərin sahiblərinə xəbərdarlıq edilib və onlara müəyyən müddət ərzində obyektlərini boşaltmaları üçün vaxt veriləcək. Müddət başa çatdıqdan sonra isə aidiyyəti orqanlar tərəfindən söküntü işlərinə başlanacaq.
