Sumqayıt şəhəri ilə Saray qəsəbəsini birləşdirən körpüdə uzun tıxac müşahidə olunur.
Sumqayit24-ə sakinlərdən daxil olan məlumata görə, bu hal artıq bir neçə gündür ki, davam edir. Sıxlıq “Daş bazarı”ndan Saray MTK yaşayış massivinə qədər uzanır.
“Ötən ildən avtomobillərin köprünün üzərinə düşən yükünü azaltmaq və hərəkətin intensivliyini təmin etmək üçün işıqforu elə tənzimləyiblər ki, qırmızı işıq daim yanır. Bu isə digər problemlərə yol açıb. Uşaqdan tutmuş böyüyə kimi heç kəs bu yoldan keçə bilmir. Üstəlik bu vəziyyətdə təcili yardım maşını tıxacda ilişib qalır”, - deyə sakinlər əlavə ediblər.
