Sumqayıt Dövlət Universitetində dövlət qulluğunun təbliği və təşviqi ilə bağlı seminar keçirilib. Bu haqda 26 oktyabr tarixində Sumqayıt24 xəbər verir.
Tədbirdə universitetin 4-cü kurs tələbələri və magistrantlar iştirak ediblər. Çıxış edən SDU-nun Sosial məsələlər və ictimaiyyətlə əlaqələr üzrə prorektoru dosent Elmar Xəlilov dövlət qulluğunun üstünlükləri, dəyişikliklər, həyata keçirilən cari vəziyyət və perspektiv planlar barədə məlumat verib.
Diqqətə çatdırılıb ki, ali təhsil müəssisəsinin 107 məzunu nazirliyin strukturunda çalışır və bu göstərici ümumi olaraq universitetin respublika ali təhsil müəssisələri arasında 8-ci yerdə qərarlaşmasına təsir edib.
Seminarın yekununda tələbələrin çoxsaylı sualları cavablandırılıb.
