Sumqayıt Dövlət Universitetində “Horizon Avropa” üzrə təlimlər keçirilib. Bu haqda 6 oktyabr tarixində Sumqayıt24 məlumat verir.
Gənc tədqiqatçıların Avropa Komissiyasının Tədqiqat və İnnovasiya Proqramı olan təlimlərdə universitetin rəhbərliyi və əməkdaşları, Rəqəmsal, Sənaye və Kosmos, Cost, MSCA üzrə təmsilçilər iştirak ediblər.
Tədbiri açan universitetin rektoru Rüfət Əzizov təlim iştirakçılarını və qonaqları salamlayıb. “Horizon” proqramı ilə bağlı olduğunu bildirən rektor təlim iştirakçılarına layihə barədə məlumat verib.
Rəqəmsal, Sənaye və Kosmos üzrə təmsilçi Məmməd Həşimovun çıxışı ilə başlayan təlimlər proqramı hədəflər, yeniliklər, yeni çağırış mexanizmləri, proqrama qoşulma yolları və maliyyə imkanları haqqında ətraflı məlumatlarla yadda qalıb.
Seminarın sonunda “Horizon Avropa” çərçivəsində gerçəkləşən layihələr barədə fikir mübadiləsi aparılıb.
