Sumqayıt Dövlət Universitetində (SDU) bədii yaradıcılıq festivalının seçim mərhələsi baş tutub.
Sumqayit24.az xəbər verir ki, Ümummilli Lider Heydər Əliyevin anadan olmasının 102-ci ildönümünə həsr olunan tədbirdə tələbələr ifaçılıq, rəqs, bədii qiraət və aşıq havaları üzrə bacarıqlarını nümayiş etdiriblər.
Münsiflər heyətində Xalq artistləri Mübariz Tağıyev, Gülyanaq Məmmədova, Əməkdar incəsənət xadimi Baba Vəziroğlu, Bakı Xoreoqrafiya Akademiyasının prorektoru Təranə Muradova və digər tanınmış sənət adamları iştirakçıların çıxışlarını qiymətləndirib.
