ADA Universitetində “Elmin inkişafında elmmetriyanın rolu: Nüfuzlu elmi jurnalların hazırlanması” mövzusunda təlim keçirilib. Sumqayıt24 bu haqda 2 oktyabr tarixində xəbər verir.
Təhsildə Keyfiyyət Təminatı Agentliyinin təşkil etdiyi görüşə ali təhsil müəssisələrinin və elmi-tədqiqat institutlarının nümayəndələri, eləcə də jurnal redaktorları qatılıblar.
İki gün davam edən təlimlərdə Sumqayıt Dövlət Universitetini Elmi hissənin müdiri dosent Samir Orucov təmsil edib.
Tədbirdə “Elmdə etik qaydalar və alimin müəlliflik hüquqlarının qorunması”, “Elmin inkişafında elmmetriyanın rolu və beynəlxalq elmi bazaların tələbləri”, “Elmdə jurnalların informasiya texnologiyaları sisteminin formalaşdırılması və perspektivləri” və “Elmi-tədqiqat, elmi məqalələrin konseptual olaraq strukturlaşdırılması və hazırlanma metodikası” mövzularında çıxışlar və təqdimatlar keçirilib, mövzular ətrafında universitet və rəsmi jurnal nümayəndələri ilə çıxış edən təqdimatçılar arasında müzakirələr aparılıb.
Sonda dinləyicilər sertifikatlara layiq görülüblər.
