Sumqayıt Dövlət Universitetinin (SDU) rektoru Rüfət Əzizov və rəhbərliyi “Gilan Tekstil Parkı”nda olublar. Sumqayıt24 bu haqda 7 noyabr tarixində xəbər verir.
Onlar baş direktor Esmin Xəlilovla, insan resursları şöbəsinin müdiri Allahverdi Bağırovla və idarəetmə personalı ilə görüşüblər. Tələbələrin istehsal təcrübələrini müəssisədə keçmək, müxtəlif istiqamətlərdə əməkdaşlıq perspektivləri, yeni tədris proqramlarının yazılması və praktikyönümlü əməkdaşlığın vacibliyi vurğulanıb.
Mühəndislik ixtisasında oxuyan gənclərin elmi potensialının artırılması, yüksək keyfiyyətli mütəxəssislər kimi hazırlanması yönündə əməkdaşlıq istiqamətləri müzakirə olunub. “GiLTEX” MMC-də universitet tələbələrinin ekskursiyalarının təşkili və onları bu sahədə maarifləndirmək istiqamətlərində razılıq əldə edilib.
