Sumqayıt Dövlət Universitetinin (SDU) əməkdaşları “Bilişim Vadisi Bakı” Mərkəzinin rezident şirkətlərinin təqdimatında olublar. Sumqayıt24 bu haqda 13 iyul tarixində xəbər verir.
Təqdimat Azərbaycan Texniki Universitetində keçirilib. Tədbirdə Avtomatika və idarəetmə kafedrasının müdiri professor Cavanşir Məmmədov, Elmi Hissənin müdiri dosent Samir Orucov, eləcə də Kimya və biologiya fakültəsinin 1-ci kurs tələbəsi, İnnovasiya Yaradıcılıq mərkəzinin mentoru Səid Əliyev iştirak ediblər.
AzTU-nun rektoru professor Vilayət Vəliyev çıxışında bildirib ki, beynəlxalq texnologiyalar üzrə marketinq, texnoloji tədqiqat və transfer fəaliyyətləri, proqram təminatı, dizayn, tədqiqat və inkişaf sahəsində layihələr həyata keçirmək istəyən digər universitetlər də “Bilişim Vadisi Bakı” Mərkəzi ilə əməkdaşlıq edəcək.
Sual-cavab formatında keçirilən təqdimatlardan sonra qonaqlar AzTU-nun kampusu ilə tanış olublar.
